Udaas Jaagte Lamhon Ki Rut Badalne Ki
Khabar Mili Hai Shab-E-Intezaar Dhalne Ki
Bahar Aayi Chalo Uss Ka Naqsh-E-Paa Dhoonden
Ye Rut Hai Sang-E-Jabeen Se Lahoo Ubalne Ki
Kisi Umeed Ka Shola Kisi Khayal Ki Lau
Wohi Hai Shakal Abhi Jism-O-Jaan Pighalne Ki
Har Ek Qadam Pe Thien Parchhaiyun Ki Deewaren
Mili Jo Raah Teray Shehar Se Nikalne Ki
Utha Hai Raah Mein Jab Bhi Ghubaar-E-Tanhaai
Sadaa Qareeb Se Aayi Kisi Ke Chalne Ki
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.