Seel-E-Khoon Paikar-E-Ashaar Mein Dhalta Hi Nahin
Gham Woh Laawa Hai Jo Seene Se Ubalta Hi Nahin
Jo Bhatakta Tha Kabhi Dhoop Ke Sehraa’on Mein
Ab Woh Saaya Meri Chaukhatt Se Nikalta Hi Nahin
Aainay Laakh Magar Aik Si Tasveeren Hain
Kis Ko Dekhon Main Koi Shakal Badalta Hi Nahin
Muztarib Rakhti Hai Paiham Mujhe Ehsaas Ki Aag
Sar Pe Woh Boojh Liye Hoon Ke Sanmbhalta Hi Nahin
Mujhse Munh Phairne Walay Meri Qeemat Pehchaan
Main Woh Sikka Hoon Jo Bazaar Mein Chalta Hi Nahin
Koi Tehreer Mittayen To Dhuwaan Uthhta Hai
Dil Woh Bheega Howa Kaaghaz Hai Ke Jalta Hi Nahin
Kaun Chheenega Meri Soch Ki Daulat * Rashid *
Jism Ka Bojh To Logon Se Sanmbhalta Hi Nahin
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.