Lafz Khhu Jayenge Kya Apni Safaai Dega
Shor Itna Hai Yahan Kuch Na Sunaai Dega
Jaane Kyun Tujh Pe Gumaan Hota Hai Uss Lamhe Ka
Jo Mujhe Waqt Ke Zindaan Se Rihaai Dega
Woh Bichharr Jaayega Tujh Se Teray Saaye Ki Tarah
Iss Karri Dhop Mein Tu Jis Ko Duhaai Dega
Ye Ta’aluq Sahi, Toote Howe Taare Ka Safar
Ye Bhi Mitt Jaaye To Phir Kuch Na Sujaai Dega
Main Woh Awaaz Jo Har Pyaas Mein Dhalna Chaahon
Tu Woh Sehra Jo Mujhe Izzn-E-Rasaai Dega
Faasle Mere Liye Waja-E-Sakoon Hain * Rashid *
Woh Mila Bhi To Wohi Zakhm-E-Judaai Dega
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.