Mausam Ki Sakhtiyun Ki Saza Dijiye Mujhe
Main Bhi Hoon Barg-E-Khush Jala Dijiye Mujhe
Kya Jaane Kya Banaaye Mujhe Shehar-E-Behissi
Pathhar Na Ban Sakon Ye Dua Dijiye Mujhe
Kaaghaz Ki Naao Hoon Meri Raftaar-O-Simt Kya
Paani Ka Rukh Jidhar Ho Baha Dijiye Mujhe
Larzay Mein Jism-O-Jaan Hain Hawaa’on Ke Khauf Se
Meri Bulandiyun Se Gira Dijiye Mujhe
Mushkil Hai Aisi Bherr Mein Awaaz Ki Shanaakht
Seel-E-Rawaan Se Hatt Ke Sadaa Dijiye Mujhe
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.