Hain Dhoop Chhaa'on Ki Maanind Chaahaten Usski
Raqam Karon Main Kahan Tak Hikaayaten Usski
Issi Khayal Se Har Roshni Bujhaa Daali
Sulag Rahi Thien Charaaghon Mein Hasraten Usski
Ussay Qareeb Se Dekha To Hum Ne Ye Jaana
Ke Mukhtalif Thien Bohat Uss Se Shohraten Usski
Sulag Raha Hai Meri Raat Ka Har Ek Lamha
Lahoo Mein Jaag Uthhen Hain Hararaten Usski
Woh Aik Shakhs Ke Jo Misl-E-Zindagi Thehra
Samajh Mein Aayin Abhi Tak Na Aadaten Usski
Woh Ajnabi Jo Sar-E-Raah Mil Gaya Tha Kabhi
Bhula Sakonga Na * Rashid * Rafaqaten Usski
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.