Dil Ko Sehra Aankh Ko Pathhar Bana Kar Aaye Hain
Yun Laga Jab Tujh Ko Mitti Mein Chhupaa Kar Aaye Hain
Faasle Thay Darmiyaan Phir Bhi Ye Kaisa Rabt Tha
Usske Aansoo Meri Palkon Tak Bara-Bar Aaye Hain
Jis Ki Chaahat Ne Bhula Rakhe Thay Gham Haalaat Ke
Hum Dayaar-E-Ghair Mein Woh Shay Ganwaa Kar Aaye Hain
Har Andheray Mein Ussi Ne Di Sitaaron Ki Naveed
Woh Sadaa Hum Khaak Mein Jis Ko Dabaa Kar Aaye Hain
Kar Na Paaye Hum Kabhi Usski Duaa’on Ka Shumaar
Chaar Shammen Jis Ke Tadfeen Par Jalaa Kar Aaye Hain
Apni Ek Ek Saans Par Hai , Uss Ke Ehsaanon Ka Bojh
Aaj Jis Ki Khaak Par Hum Sar Jhukaa Kar Aaye Hain
Mohtarma Naani Ke Inteqaal Par…
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.