Hum Hi Ab Jashan-E-Safar Ke Liye Tayyar Nahin
Warna Raahon Ke Sitam Dil Pe Koi Baar Nahin
Chand Lamhon Mein Bikhar Jaayega Lehron Ka Fusun
Ye Talatum Hai Kisi Shookh Ki Raftaar Nahin
Meri Aankhon Ko Yun Takti Hai Shab-E-Gham Jaise
Mere Ashkon Ka Yahan Koi Khareedar Nahin
Laakh Gardaab Sahi Paar Utar Jaaonga!
Mere Haathon Mein Teray Haath Hain Patwaar Nahin
Ghar Ki Har Shamma Saja Di Hai Sar-E-Raahguzar
Koi Hum Jaisa Hawaa’on Ka Paristaar Nahin
Jis Ko Tehreer Kiya Hum Ne Lahoo Se * Rashid *
Uss Fasaane Hi Mein Apna Koi Kirdaar Nahin
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.