Udaas Beete Dinon Ka Ma'aal Kya Hoga
Jab Itna Talkh Tha Maazi To Haal Kya Hoga
Meray Badan Pe Meri Justajoo Ka Saaya Hai
Dukhon Ki Dhoop Se Chehra Niddhhaal Kya Hoga
Parra Howa Hoon Main Sadiyun Se Reg-E-Saahil Par
Woh Moj Hai Ussey Mera Khayal Kya Hoga
Na Bujh Sakegi Tabiyat Meri Hawaadis Se
Main Aasmaan Hoon Mera Zawaal Kya Hoga
Charaagh-E-Dasht-E-Balaa Hoon Fanaa Ka Gham Kaisa
Main Bujh Bhi Jaaon To Iss Mein Kamaal Kya Hoga
Hawa Ki Zad Pe Khud Aaya Hoon Baar-Haa * Rashid *
Meray Bikharne Ka Mujh Ko Malaal Kya Hoga
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.