Sakoon Mila Hai Magar Iztaraab Jaisa Hai
Teray Badan Ka Fusun Bhi Sharaab Jaisa Hai
Hanse Woh Laakh Magar Zabt-E-Gham Ki Tehreeren
Na Chhup Sakengi Ke Chehra Kitaab Jaisa Hai
Milega Paas Se Kuch Bhi Na Khaak-O-Khoon Ke Siwa
Palat Chalen Ke Ye Manzar Saraab Jaisa Hai
Na Koi Pairr Na Saaya Na Aahaton Ka Gumaan
Ye Justajoo Ka Safar Bhi Azaab Jaisa Hai
Woh Saamne Hai Magar Ussko Chhu Nahin Sakta
Main Poojta Hoon Woh Paikar Jo Khuwaab Jaisa Hai
Sulag Rahe Ho Yunhi Gham Ki Dhoop Se * Rashid *
Woh Haath Choom Ke Dekho Gulaab Jaisa Hai
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.