Mitt'ti Nahin Hai Shakal Kabhi Jis Ke Dheyaan Se
Nikla Hai Woh Haseen Abhi Apne Makaan Se
Mehfil Ka Rukh Badal Gaye Lafzon Ke Aaine
Chehron Ka Rang Urr Gaya Mere Bayaan Se
Kashti Mein Aaj Bhi Hai Khanak Rait Ki Nami
Mojen Lipat Gayin Thien Kabhi Baadbaan Se
Bahar Gali Mein Dhoop Ki Umeed Hai Fazool
Pani Tapak Raha Hai Abhi Saayebaan Se
Woh Khud Hi Roshni Ke Tajassus Mein Chal Parra
Ab Kya Karonga Toot Ke Main Aasmaan Se
Chaaha Hazaar Baar Samandar Ko Choom Loon
Dewaar-E-Tishnagi Na Hati Darmiyaan Se
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.