Rooh Mein Zakham Thay Ehsaas Bhi Pyaasa Nikla
Ghair Samjhe Thay Jisay Apna Hi Saaya Nikla
Woh Ghhuttan Hai Ke Koi Raasta Milta Hi Nahin
Main Teray Shehar Ki Galiyun Mein Kahan Aa Nikla
Raah Mein Ajnabi , Khalwat Mein Rag-E-Jaan Se Qareen
Teri Basti Mein Koi Aur Na Tujh Sa Nikla
Kitne Bhoole Howe Khuwaabon Ke Geher Haath Aaye
Main Teri Aankhon Mein Dooba To Kahan Jaa Nikla
Chand Kankar Ke Jinhen Ashk-E-Nadaamat Kahiye
Band Mutthhi Mein Teri Innke Siwa Kya Nikla
Mutmaa’in Thay Ke Mitta Dega Ussey Waqt Ka Haath
Ab Pareshaan Hain Ke Ye Rang To Gehra Nikla
Saadgi Ne Meri Jis But Ko Taraasha * Rashid *
Kya Sitam Hai Wohi Hum-Rang-E-Zamana Nikla
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.