Honton Ki Chaandni Na Tabassum Ka Raag Tha
Yaadon Ki Rehguzar Mein Andheron Ka Naag Tha
Koi Bhi Seh Saka Na Meray Dard Ka Ubaal
Jis Shakhs Se Milay Wohi Botal Ka Kaag Tha
Paa Kar Qareeb Lamas Ki Had Se Na Barrh Saka
Chehra Tha Uss Ka Phool Magar Jism Aag Tha
Be-Barg-O-Baar-E-Jaan Ke Jis Ko Gira Diya
Woh Aakhiri Darakht Chaman Ka Suhaag Tha
Woh Dhoop Ho Ke Chhaa’on Raha Mere Saath Saath
Jaise Mera Zameer Dafeene Ka Naag Tha
*Rashid * Barra Ajeeb Tha Toofaan Ka Khaatima
Saahil Pe Door Door Samandar Ka Jhaag Tha
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.