Har Chehre Par Khoon Ki Chaadar Sholon Ki Baarish Ghar Ghar
Sooni Aankhen Dekh Rahi Hain Jalte Shehar Ka Ye Manzar
Patta Bhi Khharrke To Dil Seenon Mein Khauf Se Phatt Jaayen
Kitni Cheekhon Ka Madfan Hai Sehma Howa Khaamosh Nagar
Jab Bhi Guzarta Hai Koi Aawaara Hawaa’on Ka Jhaunka
Tapti Tiin Ki Oonchi Chhat Par Bajne Lagte Hain Kankar
Chehre Ki Tehreer Ke Peeche Kya Gham Hai Ye Bhi Samjho
Main Koi Akhbaar Nahin Hoon Tum Rakh Do Jis Ko Parrh Kar
Peeche Reh Jaane Walon Par Kis Munh Se ILzaam Dharen
Hum Jis Ki Agli Saf Mein Thay Haar Gaya Hai Woh Lasshkar
Hum Hi Kuch Nadaan Thay Jaane Kitne Khuwaab Sajaa Baithe
Ussne Yunhi Dekh Liya Tha Chalte Chalte Aik Nazar
Koi Pathhar Phaink Ke Uss Mein Apna Aks Mitta Daalen
Jalti Rait Mein Khhu Jayegi Ye Naddi Aage Chal Kar
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.