Thak Gaya Hoon Kisi Aandhi Ka Pata De Koi
Bojh Hai Jism Ki Deewaar, Gira De Koi
Door Tak Barf Hai Ehsaas Ke Veeranon Mein
Phir Kisi Aag Mein Jalne Ki Saza De Koi
Qaid Phir Qaid Hai Sheesha Ho Ke Dast-E-Gul Ho
Main To Khushboo Hoon Bikharne Ki Dua De Koi
Waraq-E-Sang Se Tehreer Ubhaaron Kab Tak
Mere Haathon Ki Lakeeron Ko Mitta De Koi
Ab Hawa Aayi To Ye Raakh Bhi Le Jaayegi
Aatish-E-Sard Hoon Mitti Mein Dabba De Koi
Kya Mittenge Mere Andar Ke Andhere * Rashid *
Inn Sisakti Howi Shammon Ko Bujha De Koi
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.