Rang Alfaaz Ka Alfaaz Se Gehra Chaahon
Baat Karne Ke Liye Apna Hi Lehja Chaahon
Hai Thakan Aisi Mera Paar Utarna Hai Mahaal
Tishnagi Woh Hai Ke Behta Howa Darya Chaahon
Kam Nazar Hai Jo Karay Teri Sataaish Mehdood
Tu Woh Shaahkaar Hai Main Jis Ko Saraapa Chaahon
Tujh Pe Roshan Mere Haalaat Ki Zanjeeren Hain
Rok Lena Jo Kabhi Tujh Se Bicharrna Chaahon
Kitni Be-Rang Hai Mitt’te Howe Rishton Ki Talab
Main Hari Shaakhon Se Sokha Howa Patta Chaahon
Muflisi Laakh Sahi Daulat-E-Naayaab Hai Ye
Main Teray Gham Ke Iwaz Kyun Gham-E-Duniya Chaahon
Gum Hai Sannaatton Mein Qadmon Ki Sadaa Tak * Rashid *
Woh Andhera Hai Ke Deewaaron Se Rasta Chaahon
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.