Shiddat-E-Garmi-E-Ehsaas Se Dhal Jaaonga
Baraf Hoon, Haath Lagaya To Pighal Jaaonga
Wohi Nazron Ka Bhatakna Wohi Awaara-Shabi
Main Ye Samjha Tha Tujhe Paa Ke Sanmbhal Jaaonga
Maine Maana Tu Ghhattaa Hai Magar Itna Na Baras
Main Bhi Darya Hoon Kinaaron Se Ubal Jaaonga
Main Teray Haath Ki Rekha Hoon Mujhe Ghaur Se Parrh
Kam Howa Tera Tajassus To Badal Jaaonga
Roz Aaya Na Karo Uss Ne Kaha Hai * Rashid *
Aaj Sarrkon Pe Bhatak Loon Wahan Kal Jaaonga
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.