Teray Wajood Pe Parchhaain Ka Gumaan Kaisa
Hai Mere Saamne Ye Dasht-E-Bekaraan Kaisa
Dafeenay Khuwaabon Ke Mitti Ke Mol Bhi Na Liye
Bicharr Ke Tujhse Tha Andeshaa-E-Ziyaan Kaisa
Bhattak Rahi Thien Ujaalon Ki Aas Mein Nazren
Chamak Raha Tha Andheron Mein Woh Makaan Kaisa
Na Haath Aa Saka Phir Waqt Ke Samandar Mein
Kisi Ke Qurb Ka Lamha Tha Be-Nishaan Kaisa
Tera Khayal Bhi Jangal Ki Aag Hai Shayad
Bikhar Gaya Meray Ehsaas Mein Dhuwaan Kaisa
Khulay Maqaam Pe Milne Se Log Darte Hain
Saron Pe Toot Parra Hai Ye Aasmaan Kaisa
Jo Barg Shaakh Se Toote Ussi Ka Maatam Ho
Woh Mujh Ko Saunmp Gaya Ranj-E-Raayegaan Kaisa
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.