To Kyun Na Main In Afsaanon Ko
Jo Usski Rehguzar Mein
Qadam Qadam Par Bikhre Howe Hain
Yunhi Khuwabeeda Chorr Kar
Khamoshi Se Wapis Chala Jaaon
Main Usski Pur-Sakoon Zindagi Mein
Phir Halchal Kyun Paida Karon
Mehroomi Agar Mera Muqaddar Hai
To Main Usski Parchhaayin
Usske Haseen Paikar Par Kyun Daalon
Mere Naghme Agar Faryad Ban Gaye Hain
To In Naghmon Se Main Uska Dil Kyun Dukhaa’on
Ab Shikayat Se Kya Haasil Hai
Aur Gila Karon To Kis Se
Ujrre Howe Dil Ke Khazaane Mein
Chand Duayen Reh Gayi Hain
Chalte Chalte Wohi Nazar Kiye Deta Hoon
Aur Kuch Dair Pukaaronga Chala Jaaonga
Aur Kuch Dair Pukaaronga Chala Jaaonga
Kya Kami Hai Jo Karogi Mera Nazrana Qabool
Chaahne Wale Bohat Chaah Ke Afsaane Bohat
Aik Hi Raat Sahi Garmi-E-Hangama-E-Ishq
Aik Hi Raat Mein Jal Marte Hain Parwaane Bohat
Yun To Ek Raat Mein Sau Tarah Ke Morr Aate Hain
Kaash Tumko Kabhi Tanhaai Ka Ehsaas Na Ho
Kaash Aisa Na Ho Ghheray Rahe Duniya Tumko
Aur Is Tarah Ke Jis Tarah Koi Paas Na Ho
Aaj Ki Raat Jo Meri Hi Tarah Tanha Hai
Aaj Ki Raat Jo Meri Hi Tarah Tanha Hai
Main Kisi Tarah Guzaaronga Chala Jaaonga
Main Kisi Tarah Guzaaronga Chala Jaaonga
Aur Kuch Dair Pukaaronga Chala Jaaonga
Aur Kuch Dair Pukaaronga Chala Jaaonga
Aur Kuch Dair Pukaaronga Chala Jaaonga
Poet : Kaifi Azmi
<<<<Previous
Ghazal This Album Next Ghazal>>>>
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.