Raaz Jo Khatam Howa Sab Pe Ayaan Tha Kitna
Dil Ke Bujhte Howe Sholay Mein Dhuwaan Tha Kitna
Jab Koi Sang Tarasha Wohi Chehra Ubhhra
Woh Meray Zehen Ke Parat’o Mein Nihaan Tha Kitna
Zindagi Sheesha Gah-e-Khuwaab Se Nikli Na Kabhi
Waqt Pathhar Hai Ye Ehsaas Giraan Tha Kitna
Pochhta Phirta Tha Logon Se Wafa Ki Qeemat
Aaj Uss Shakhs Ko Ehsaas-E-Ziyaan Tha Kitna
Dekh Kar Ghaar Palat Aaye Zameen Ki Jaanib
Unn Paharron Pe Bulandi Ka Gumaan Tha Kitna
Aa Gaye Aakhir-E-Kaar Apni Hi Zad Par * Rashid *
Hum Ko Bhi Hosla-E-Teer-O-Kamaan Tha Kitna
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.