Kisi Ki Dhaal Banay Kab Kisi Mein Yaara Hai
Har Aik Jism Hawaa’on Se Paara Paara Hai
Jahan Jahan Bhi Gira Khaak-E-Shab Chamak Utthhi
Mera Lahoo Bhi Sulagta Howa Sharaara Hai
Meri Sadaa Ka Nishaan Hain Bujhi Howi Shammen
Ke Aandhiyun Mein Tujhe Der Tak Pukaara Hai
Teri Wafaayen Bhi Be-Rang Hain Khalaa Ki Tarah
Mera Wajood Bhi Toota Howa Sitaara Hai
Bikharte Bujhte Howe Rang Dekh Lo * Rashid *
Zawaal-E-Shaam Ka Ye Aakhiri Nazaara Hai
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.