Sitam Ye Hai Wohi Deta Raha Sadaa Mujh Ko
Woh Aik Shakhs Jo Pathhar Bana Gaya Mujh Ko
Thake Badan Ke Kinaaron Mein Qaid Hoon Warna
Na Rok Sakta Paharron Ka Silsila Mujh Ko
Woh “Main” Sahi Nazar Aaye Koi To Mujh Jaisa
Ghubaar-E-Waqt Kabhi Aaina Dikha Mujh Ko
Ghhiray Rahe Meray Itraaf Nit Naye Baadal
Faraib Deti Rahi Umar Bhar Hawa Mujh Ko
Tamaam Shehar Hi Khaamoshiyun Ka Maskan Tha
Ye Wehem Hai Koi Deta Raha Sadaa Mujh Ko
Bana Raha Hoon Har Ek Rukh Se Shaam Ka Manzar
Parra Hai Doobte Rangon Se Waasta Mujh Ko
Kahin Ye Ho Ke Bikhar Jaaon Teray Daaman Par
Main Khaak Hoon Tu Zara Dekh Ke Urra Mujh Ko
Phalaang Jaaonga * Rashid * Wajood Ki Deewar
Faseel-E-Jism Kabhi Degi Raasta Mujh Ko
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.