Har Khuwaab Muntashir Hai Khayalat Ki Tarah
Thehra Howa Hai Waqt Sai ( Siyaah ), Raat Ki Tarah
Aazaar-E-Jaan Raha Na Karri Dhoop Ka Safar
Haathon Mein Shaakh-E-Gul Hai Kisi Haat ( Haath ) Ki Tarah
Urrta Hai Mujhko Dekh Ke Deewaar-O-Dar Ka Rang
Badla Howa Hai Shehar Bhi Haalaat Ki Tarah
Aankhon Mein Meri Kitne Zamaanon Ka Aks Hai
Sadiyaan Hai Mere Saamne Lamhaat Ki Tarah
Aandhi Guzar Gayi Hai Magar Kis Ko Doon Sadaa
Har Shay Bikhar Chuki Hai Meri Zaat Ki Tarah
*Rashid * Kahan Pe Laayi Hai Phoolon Ki Aarzoo
Pathhar Bhi Ab Aziz Hain Saughaat Ki Tarah
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.