Pathhar Sulag Rahe Thay Koi Naqsh-E-Paa Na Tha
Hum Jis Taraf Chalay Thay Udhar Raasta Na Tha
Parchhaiyun Ke Shehar Ki Tanhaaiyaan Na Pooch
Apna Shareek-E-Gham Koi Apne Siwa Na Tha
Yun Dekhti Hai Gumshuda Lamhon Ke Morr Se
Uss Zindagi Se Jaise Koi Waasta Na Tha
Chehron Pe Jam Gayi Thien Khayalon Ki Uljhanen
Lafzon Ki Justaju Mein Koi Bolta Na Tha
Paton Ke Tootne Ki Sadaa Ghhut Ke Reh Gayi
Jangal Mein Door Door Hawa Ka Pata Na Tha
*Rashid * Kisay Sunaate Gali Mein Teri Ghazal
Uss Ke Makaan Ka Koi Dareecha Khula Na Tha
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.