Lahoo Mein Doobi Howi Dard Ki Zubaan Hoon Main
Kabhi To Sun Mujhe Teri Hi Daastaan Hoon Main
Mera Wajood Hai Logo Kisi Nazar Ka Faraib!
Koi Bhi Chhu Na Sakega Ke Aasmaan Hoon Main
Khulay Jo Lab To Bikhar Jayega Har Aaeena
Abhi Na Cherr Sar-E-Bazm-E-Dostaan Hoon Main
Zara Si Aanch Se Ho Jaaonga Main Raakh Ka Dher
Bohat Parakh Na Mujhe Jins-E-Raaigaan Hoon Main
Khamosh Reh Ke Na Paayega Baam-O-Dar Se Nijaat
Mujhe Pukaar Ke Sehra-E-Bekaraan Hoon Main
Samajh Sakega Na *Rashid* Sakoot-E-Behar Mujhe
Khulonga Saamne Toofaan Ke , Baadbaan Hoon Main
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.