Raahat-O-Dard Ka Mafhoom Judaa Rakhta Hoon
Shehar Ki Bherr Mein Shaamil Hoon Magar Tanhaa Hoon
Jaane Kis Shakal Mein Mil Jaaye Dafeenon Ka Suraagh
Raah Chalte Howe Kankar Bhi Uthha Leta Hoon
Log Paas Aate Hain Katraa Ke Nikal Jaate Hain
Kisi Girti Howi Dewaar Ka Main Saaya Hoon
Kisi Jaate Howe Mausam Ko Pukaaron Kaise
Ae Meray Abr-E-Gurezaan Main Abhi Sehraa Hoon
Jis Taraf Jaayega Tu Dhoop Hai Hangaamen Hain
Mujh Mein Khhu Ja Main Ghhani Raat Ka Sannaatta Hoon
Khoob Waqif Hoon Main Anjaam-E-Namu Se * Rashid *
Jab Koi Phool Bikharta Hai Laraz Jaata Hoon
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.