Khoon-E-Ehsaas Ko Mojoon Ki Rawaani Samjhe
Ashk-E-Gul Rang Thay Woh Tum Jinhen Paani Samjhe
Kaun Karta Hai Kharabon Mein Dafeenon Ki Talaash
Kis Ko Fursat Hai Jo Zakhmon Ke Ma’aani Samjhe
Kaise Mit Jaati Hai Aankhon Se Wafa Ki Tehreer
Aaj Urrte Howe Rangon Ki Zubaani Samjhe
Jab Bhi Dekha Hai Ussey Humne Naye Zakham Milay
Kaun Uss Shakhs Ki Tasveer Puraani Samjhe
Aanch Thi Apne Sulagte Howe Gham Ki * Rashid *
Log Jis Ko Hunar-E-Shola-Bayaani Samjhe
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.