Bikharta Aise Ke Main Bhi Simmatt Na Paata Tha
Qareeb Aa Ke Woh Khushboo Sa Phail Jaata Tha
Ussey Qabool Thi Jaise Meri Har Aik Laghzish
Meri Khataa’on Pe Woh Aise Muskuraata Tha
Sapurdagi Thi Kuch Aisi Ke Pyaas Bujh Na Sakay
Guraiz Aisa Ke Jo Hoslay Barrhata Tha
Shaguftagi Se Haseen Hoti Thi Thakan Usski
Woh Mere Saath Kabhi Door Tak Jo Aata Tha
Meray Wajood Mein Ab Tak Hai Roshni Usski
Har Aik Lamhe Ko Jo Aainaa Banaata Tha
Sadaayen Deta Hai Khaali Makaan Ka Har Gosha
Yahin Kahin Pe Tera Aks Jagmagaata Tha
Nahin Hain Door Tak Ab Usski Chaahaton Ke Nishaan
Jo Shakhs Mere Liye Sab Se Rooth Jaata Tha
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.