Jheel Mein Chaand Nazar Aaye, Thi Hasrat Usski
Kab Se Aankhon Mein Liye Baitha Hoon Soorat Usski
Aik Din Mere Kinaaron Mein Simmatt Jaayegi
Thehre Paani Si Ye Khaamosh Muhabbat Usski
Band Mutthhi Ki Tarah Woh Kabhi Khulta Hi Nahin
Faasle Aur Barrha Deti Hai Qurbat Usski
Kis Ne Jaana Hai Badalte Howe Mausam Ka Mizaaj
Ussko Chaaho To Samajh Paaoge Fitrat Usski
BeKhabar Hai Jo Meray Haal Se Kya Uss Ko Pata
Meray Haathon Ki Lakeeron Mein Hai Qismat Usski
Dar Ye Hai Rok Na Le Sood-O-Ziyaan Ka Ehsaas
Kahin Deewaar Na Ban Jaaye Zahanat Usski
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.