Na Faaslon Mein Khalish Na Raahat Hai Qurbaton Mein
Main Jee Raha Hoon Ajeeb Be-Rang Saa’aton Mein
Koi To Mere Wajood Ki Sarhaden Bataaye
Bhatak Raha Hoon Main Kab Se Apni Hi Wus’aton Mein
Tujhe Gharaz Kya Koi Bhi Mauzoo-E-Guftagoo Ho
Har Ek Haqeeqat Badal Chuki Jab Hikaayaton Mein
Meri Wafaa Ke Safar Ki Takmeel Ho To Kaise
Hai Teri Mehwar Teri Adhoori Muhabbaton Mein
Woh Aik Saaya Tha Umar Bhar Ki Thakan Ka Haasil
Woh Aik Saaya Jo Khhu Gaya Hai Musaafaton Mein
Main Zakhm Kha Ke Bhi Badgumaan Ho Saka Na * Rashid *
Ajeeb Rang-E-Khuloos Tha Uss Ki Nafraton Mein
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.