Jo Dukh Mile Hain Unnki Jazaa Maangte Raho
Bichhrre Na Koi Shakhs Dua Maangte Raho
Ghhairay Na Jaane Kab Kisay Tanhai Ka Azaab
Auron Ke Saath Apna Bhala Maangte Raho
Barsega Aaj Toot Ke Khaamoshiyun Ka Qeher
Har Ek Qadam Pe Usski Sada Maangte Raho
Is Khauf Se Ke Duniya Ka Mausam Ajeeb Hai
Uski Gali Ki Aab-O-Hawa Maagte Raho
Uss Daairay Se Bachne Ki Koshish Fazool Hai
Jo Kuch Naseeb Mein Hai Likha Maangte Raho
Is Shehar Ki Hadon Se Guzarti Hai Raat Bhi
Is Shehar Se Charaagh-E-Wafa Maangte Raho
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.