Phool Mehke Hain Sadaa'on Ke Na Chehra Koi
Kitna Veeraan Nazar Aata Hai Dareecha Koi
Badgumaan Ho Ke Mujhe Waqt Ke Sehraa Mein Na Chorr
Apne Saaye Se Bhi Karta Hai Kinaara Koi
Ye Meri Aankh Hai Ya Aaina Khaana Tera
Har Qadam Par Nazar Aaya Mujhe Tujh Sa Koi
Uss Ne Yun Dil Ko Meray Gham Ki Amanat Saunmpi
Jaise Mitti Mein Chhupa Deta Hai Sona Koi
Poochhta Kis Se Main Khhoye Howe Chehron Ka Pata
Shehar Ki Bherr Mein Nikla Na Shanaasa Koi
Mere Chehre Pe Bhi Haalat Ki Tehreeren Hain
Main Bhi Akhbaar Hoon * Raashid * Mujhe Parrhta Koi
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.