Paas Aa Kar Bhi Anaa Hai Tujh Mein
Ye Jhalak Sab Se Judaa Hai Tujh Mein
Sang-E-Saada Nazar Aane Walay
Har Haseen Lamas Naya Hai Tujh Mein
Chhoona Chaahon To Bikhar Jaata Hai
Mere Khuwaabon Ki Adaa Hai Tujh Mein
Kabhi Khud Ko Meri Nazron Se Bhi Dekh
Tu Nahin Jaanta Kya Hai Tujh Mein
Tu Muqaddas Hai Saheefon Ki Tarah
Mera Har Raaz Likha Hai Tujh Mein
Main Nahin To Koi Mujh Saa Hoga
Woh Jo Ek Shakhs Chhupaa Hai Tujh Mein
Tu Meray Zehan Ki Roshan Tasveer
Mara Har Rang Khulaa Hai Tujh Mein
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.