Lafzon Ka Qehet Dekh Ke Takhai'al Dang Hai
Kaise Urron Hawa Mein Ke Malboos Tang Hai
Muddat Ke Baad Kal Kisi Bus Ki Qataar Mein
Dekha Tha Hum Ne Uss Ko Wohi Roop Rang Hai
Yun Ghir Gaya Hoon Waqt Ke Dhaaron Ke Darmiyaan
Jaise Hawa Ke Haath Mein Tooti Patang Hai
Jaaon Main Jis Taraf Bhi Nahin Koi Raasta
Ye Zindagi Hai Ya Koi Deewaar-E-Sang Hai
Saada Dili Ke Saath Basar Hogi Kis Tarah
Is Shehar Mein Kuch Aur Hi Jeene Ka Dhang Hai
Umeed Har Qadam Pe Barrhati Hai Sakhtiyaan
*Rashid * Yahan To Apne Hi Saaye Se Jang Hai
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.