Har Aik Marhala Naqsh-E-Ziyaan Hai Mere Liye
Tera Khuloos Bhi Ab Raayegaan Hai Mere Liye
Bichharr Ke Tujhse Karon Kya Main Aansoo’on Ka Shumaar
Ye Silsila To Kiraan-Ta-Kiraan Hai Mere Liye
Ma’aal Ye Bhi Hai Shayad Teri Rafaqat Ka
Jo Ajnabi Si Ye Umar-E-Rawaan Hai Mere liye
Khareed Sakta Hai Koi Bhi Jis Ko Mere Siwa
Meri Hayat Woh Jins-E-Giraan Hai Mere Liye
Woh Roshni Hoon Main Bujhte Howe Charaaghon Ki
Har Aik Shaam Dhuwaan Hi Dhuwaan Hai Mere Liye
Ye Jurm Hai Ke Dikhaaya Hai Aainaa * Rashid *
Har Aik Haath Mein Sang-E-Giraan Hai Mere Liye
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.