Bichrre Howon Ki Yaad Liye Dasht-E-Yaas Mein
Main Dhoondhta Hoon Naqsh-E-Qadam Khushak Ghaas Mein
Sab Ko Palat’te Dekh Ke Main Bhi Theher Gaya
Shaamil Tha Sab Ka Khauf Bhi Mere Hiraas Mein
Sehraa-E-Gham Ke Abr-E-Gurezaan Ko Kya Khabar
Kitne Darakht Jal Gaye Baarish Ki Aas Mein
Lafzon Ke Shookh Rang Sajaate Ho Kis Liye
Andar Ka Zehar Chhup Na Sakega Libaas Mein
Honton Pe Jaag Uthha Tha Meray Khoon Ka Zaaiqa
Lazzat Barri Ajeeb Thi Sehraa Ki Pyaas Mein
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.