Dhoondhte Phirte Ho * Rashid * Jisay Bazaaron Mein
Woh Sadaa Qaid Hai Jalti Howi Deewaron Mein
Log Nikle Hain Jisay Dhoondhne Pathhar Le Kar
Chhup Gaya Hai Woh Meray Jism Ki Deewaron Mein
Parr Gaya Tha Kisi Badal Ka Mehekta Saaya
Der Tak Aag Bharrakti Rahi Kohsaaron Mein
Teri Aankhon Se Gham-E-Dil Ki Woh Qeemat Paayi
Hum Bhi Shaamil Howe Khud Apne Khareedaaron Mein
Koi Uss Shakhs Se Waaqif Hi Nahin Mere Siwa
Tazkiray Jis Ke Howa Karte Hain Akhbaaron Mein
Tishnagi Ne Meri Ye Seher Kiya Hai * Rashid *
Phool Mehke Hain Sulagte Howe Rukhsaaron Mein
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.