Aankhon Mein Ashk-E-Khoon Hain Na Honton Pe Arz-E-Haal
Muddat Howi Ke Torr Diya Kaasaa-E-Sawaal
Ghabra Ke Chaand Mere Dareeche Mein Aa Gaya
Phaila Howa Tha Chaaron Taraf Aasmaan Ka Jaal
Itne Rafeeq Khhoye Hain Lamhon Ke Sail Mein
Hum Ban Gaye Hain Guzre Howe Waqt Ki Misaal
Tu Bhi Badal Gaya To Shikayat Nahin Mujhe
Karta Hai Kaun Toote Makaanon Ki Dekh Bhaal
Raahon Ki Khaak Ban Ke Hoon Khaamosh Is Tarah
Jaise Howa Hoon Apne Hi Qadmon Se Paaimaal
Madham Si Parr Gayi Wahin Sheron Ki Chaandni
*Rashid * Howa Jo Sard Kabhi Khoon Ka Ubaal
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.