Pathhar Na Koi Aaye Ye Rasam Utthha Di Hai
Har Morr Pe Sheeshay Ki Deewaar Bana Di Hai
Kis Rang Mein Ubhri Hai Ehsaas Ki Veerani
Jo Shakal Nazar Aayi Tasveer Bana Di Hai
Chehre Thay Sabhi Dhundhle Mayoosi Se Ghabra Kar
Kuch Bhi Na Nazar Aaye Aankhon Ko Dua Di Hai
Jo Waqt Ke Sehra Mein Uss Ne Kabhi Saunmpi Thi
Woh Khaak Bhi Ab Hum Ne Daaman Se Urra Di Hai
Ronay Ko Na Paaoge Sokhay Howe Patte Bhi
Baarish Ne Khizaan Ki Har Tehreer Mitta Di Hai
Har Jism Hai Be-Saaya Har Aankh Hai Be-Chehra
Kis Hashar Ke Aalam Mein Jeene Ki Saza Di Hai
Mehfooz Rahen Yunhi Kaaghaz Ke Badan * Rashid *
Ghar Se Na Koi Nikle Toofaan Ki Munaadi Hai
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.