Fizaa Mein Bikhre Howe Rang Jhilmilaate Kya
Charaagh Tund Hawaa’on Mein Hum Jalaate Kya
Har Aik Lamha Tha Apne Hi Aks Se Dhundhla
Guzarte Waqt Ko Hum Aaina Dikhaate Kya
Labon Pe Jam Gayi Deewar-O-Dar Ki Khaamoshi
Tamaam Shehar Tha Veeraan Sadaa Lagaate Kya
Yahan Bhi Kis Ko Thi Umeed Paar Utarne Ki
Jo Milta Raah Mein Darya To Laut Aate Kya
Tamaam Door Ki Lehren Thien Khuwaab Ki Soorat
Baja Thi Pyaas Saraabon Mein Doob Jaate Kya
Tamaam Umar Guzaari Rawaan Dawaan * Rashid *
Thay Barg-E-Khushak Kahin Par Qadam Jamaate Kya
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.