Sakoot-E-Dasht Ko Woh Maujza Numaai De
Teri Sadaa Mujhe Har Morr Par Sunaai De
Bata Sakega Wohi
Umar-E-Gumshuda Ka Suraagh
Woh Aik Shakhs Jo Is Bherr Mein Dikhaai De
Kitaab-E-Dard Pe Phailaa Mere Lahoo Ki Chamak
Haroof-E-Zeest Hain Be-Rang Roshnaai De
Rah-E-Fanaa Mein Issey Naqsh-E-Jaawidaan Kahiye
Woh Aik Lamha Jo Ehsaas-E-Aashnaai De
Laraz Rahi Hain Hawa Se Badan Ki Deewaren
Na Gir Parre Ye Imaarat, Mujhe Rihaai De
Hamare Ehd Ke Sar Par Dhuwen Ki Chaadar Hai
Taras Rahe Hain Kabhi Aasmaan Dikhai De
Samaitt Len Abhi Auraaq-E-Zindagi * Rashid *
Magar Woh Harf-E-Tamanna Kahin Dikhaai De
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.