Khhu Na Jaaye Kahin Har Khuwaab Sadaa'on Ki Tarah
Zindagi Mehw-E-Tajassus Hai, Hawaa’on Ki Tarah
Toot Jaaye Na Kahin Sheesha-E-Paimaan-E-Wafa
Waqt Be Rehem Hai Pathhar Ke Khuda’on Ki Tarah
Kabhi Maa’il Ba Rafaqat Kabhi Maa’il Ba Guzeer
Zindagi Hum Se Mili Teri Adaa’on Ki Tarah
Hum Se Bhi Poocho Sulagte Howe Mausam Ki Kasak
Hum Bhi Har Dasht Pe Barse Hain Ghattaa’on Ki Tarah
Baar Haa Ye Howa , Jaa Kar Teray Darwaze Tak
Hum Palat Aaye Hain Nakaam Duaa’on Ki Tarah
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.