Hai Roshni Na Andhera Ajab Hisaar Mein Hoon
Main Aaina Hoon Magar Waqt Ke Ghubaar Mein Hoon
Meri Hadood Mein Hai Mere Dard Ka Zehraab
Main Jal Raha Hoon Magar Apne Regzaar Mein Hoon
Mujhe Bhi Dekh Kabhi Ae Hawa-E-Aawaara
Bikhar Chuka Hoon Magar Teray Intezaar Mein Hoon
Badalta Rehta Hoon Simt’en Hawaa’on Ke Rukh Par
Main Barg-E-Sab Sahi Phir Bhi Kis Shumaar Mein Hoon
Jo Chaahta To Kahin Khaak-O-Khoon Mein Khhu Jaata
Ye Hosla Hai Jo Tooti Howi Qataar Mein Hoon
Ye Zindagi Hai Ke Zakhmon Ka Silsila * Rashid *
Mujhe Ye Lagta Hai Maidaan-E-KaarZaar Mein Hoon
Poet : Mumtaz Rashid
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.