Mehroomiyun Ki Dhool Se Har Naqsh Hai Dhundhla Tera
Main Ne Kabhi Ae Zindagi Dekha Nahin Chehra Tera
Meray Palatt Jaane Mein Hai Teri Khamoshi Ka Bharam
Waaqif Hoon Main Is Morr Par Kya Faisla Hoga Tera
Teray Liye Asaan Sahi Soorat Badalne Ka Hunar
Lekin Woh Pathhar Ban Gaya Jo Kal Tha Aaina Tera
Shayad Na Poora Kar Saken Gum-Gashta Lamhon Ka Hisaab
Jo Ashk Hain Daulat Meri Jo Dukh Hain Sarmaaya Tera
Teri Talab Ki Raah Mein Dekhe Hain Duniya Ke Woh Rang
Dhoka Na De Paayega Ab Ye Paikar-E-Saada Tera
Tu Bhi Kabhi Mehsoos Kar Kya Hai Bikharne Ki Kasak
Ek Roz Yun Baazi Sajay Patthar Meray Sheesha Tera
Poet : Mumtaz Rashid
<<<Previous
Page End
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.