Yeh Meri Ghazalen Yeh Meri Nazmen
Yeh Meri Ghazalen Yeh Meri Nazmen
Tamaam Teri Hikayaten Hain
Yeh Tazkiray Teray Lutf Ke Hain
Yeh Tazkiray Teray Lutf Ke Hain
Yeh Shair Teri Shikayaten Hain
Yeh Meri Ghazalen Yeh Meri Nazmen
Tamaam Teri Hikayaten Hain
Yeh Tazkiray Teray Lutf Ke Hain
Yeh Shair Teri Shikayaten Hain
Main Sab Teri Nazar Kar Raha Hoon
Main Sab Teri Nazar Kar Raha Hoon
Yeh Unn Zamanoon Ki Saa'aten Hain
Jo Zindagi Ke Naye Safar Mein
Tujhe Kisi Waqt Yaad Aayen
To Aik Ek Harf Jee Utthega
Pehen Ke Anfaas Ki Qabahen
Udaas Tanhaaiyon Ke Lamhon Mein
Naach Utthengi Yeh Apsaraayen
Yeh Meri Ghazalen Yeh Meri Nazmen
Tamaam Teri Hikayaten Hain
Mujhe Teray Dard Ke ILaawa
Bhi Aur Dukh Thay Ye Maanta Hoon
Hazaar Gham Thay Jo Zindagi Ki
Talaash Mein Thay Ye Jaanta Hoon
Mujhe Teray Dard Ke ILaawa
Bhi Aur Dukh Thay Ye Maanta Hoon
Hazaar Gham Thay Jo Zindagi
Ki Talaash Mein Thay Ye Jaanta Hoon
Mujhe Khabar Thi Ke Teray Aanchal
Mein Dard Ki Rait Chaanta Hoon
Magar Har Ek Baar Tujh Ko Chhu Ke
Yeh Rait Rang E Hina Bani Hai
Yeh Zakham Gulzar Ban Gaye Hain
Yeh Aah E Sozaan Ghataa Bani Hai
Yeh Dard Mauj E Sabaa Howa Hai
Yeh Aag Dil Ki Sadaa Bani Hai
Yeh Meri Ghazalen Yeh Meri Nazmen
Tamaam Teri Hikayaten Hain
Aur Ab Yeh Saari Mataa'ye Hasti
Yeh Phool Yeh Zakham Sab Teray Hain
Yeh Dukh Nohay Yeh Sukh Ke Naghme
Jo Kal Meray Thay Woh Ab Teray Hain
Aur Ab Yeh Saari Mataa'ye Hasti
Yeh Phool Yeh Zakham Sab Teray Hain
Yeh Dukh Nohay Yeh Sukh Ke Naghme
Jo Kal Meray Thay Woh Ab Teray Hain
Jo Teri Qurbat Teri Judaai Mein Kat Gaye
Roz O Shab Teray Hain
Woh Tera Shaair Tera Mughani
Woh Jis Ki Baatein Ajeeb Si Hai
Woh Jis Ke Andaaz Khusrawana Thay
Aur Adaayen Ghareeb Si Thien
Woh Jis Ke Jeenay Ki Khuwahishen Bhi
Khud Usske Apne Naseeb Si Thien
Na Pooch Usski Ke Woh Deewana
Bohat Dinon Ka Ujarr Chuka Hai
Woh KohKan To Nahin Tha Lekin
Karri Chataanon Se Larr Chuka Hai
Woh Thak Chuka Hai Aur Uss Ka Taisha
Ussi Ke Seenay Mein Garrh Chuka Hai
Woh Thak Chuka Hai Aur Uss Ka Taisha
Ussi Ke Seenay Mein Garrh Chuka Hai
Woh Thak Chuka Hai Aur Uss Ka Taisha
Ussi Ke Seenay Mein Garrh Chuka Hai
Yeh Meri Ghazalen Yeh Meri Nazmen
Tamaam Teri Hikayaten Hain
Yeh Tazkiray Teray Lutf Ke Hain
Yeh Shair Teri Shikayaten Hain
Yeh Meri Ghazalen Yeh Meri Nazmen
Tamaam Teri Hikayaten Hain
Yeh Tazkiray Teray Lutf Ke Hain
Yeh Shair Teri Shikayaten Hain
Yeh Meri Ghazalen Yeh Meri Nazmen
Tamaam Teri Hikayaten Hain
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.