Sach Kaho Kya Tumhe Hum Yaad Nahin Aate Hain By Mani K Trihima Poet Shabeena Adeeb

 

Tum Na Mausam Thay Na Qismat Thay

Na Tareek Na Din

Tum Na Mausam Thay Na Qismat Thay

Na Tareek Na Din

Kisko Maloom Tha

Kisko Maloom Tha Ke Is Tarah Badal Jaoge

 

Sach Kaho Kya Tumhe Hum Yaad Nahin Aate Hain

Sach Kaho Kya Tumhe Hum Yaad Nahin Aate Hain

Hum To Aankhon Ko Tumhare Liye Chalkaate Hain

Hum To Aankhon Ko Tumhare Liye Chalkaate Hain

Sach Kaho Kya Tumhe Hum Yaad Nahin Aate Hain

Sach Kaho Kya Tumhe Hum Yaad Nahin Aate Hain

Yeh Zameen Chorr Ke Abaad Paraayi Kar Li

Tumne Kis Tarah Yeh Manzoor Judaai Kar Li

Yeh Zameen Chorr Ke Abaad Paraayi Kar Li

Tumne Kis Tarah Yeh Manzoor Judaai Kar Li

Kya Wahan Dil Ko Yahan Jaisa Sakoon Milta Hai

Kya Wahan Jheelon Mein Rangeen Kanwal Khilta Hai

Sach Batao Wahan Nashaad Nahin Ho Tum Bhi

Kya Hamari Tarah Barbaad Nahin Ho Tum Bhi

Sach Kaho Kya Tumhe Hum Yaad Nahin Aate Hain

Hum To Aankhon Ko Tumhare Liye Chalkaate Hain

Sach Kaho Kya Tumhe Hum Yaad Nahin Aate Hain

 

Khush Ho Ya Ghamzada Dil Cheer Ke Diklaao To

Wahan Kis Haal Mein Ho Aaj Yeh Batlao To

Khush Ho Ya Ghamzada Dil Cheer Ke Diklaao To

Wahan Kis Haal Mein Ho Aaj Yeh Batlao To

Kya Tumhe Apne Paraaye Bhi Nahin Yaad Aate

Borrhe Bargad Ke Woh Saaye Bhi Nahin Yaad Aate

Kya Hamare Liye Ab Hosh Nahin Khote Ho

Yaad Kar Ke Humein Raaton Ko Nahin Rote Ho

Sach Kaho Kya Tumhe Hum Yaad Nahin Aate Hain

Hum To Aankhon Ko Tumhare Liye Chalkaate Hain

Sach Kaho Kya Tumhe Hum Yaad Nahin Aate Hain

 

Yun Chalak Jaata Hai Aankhon Se Yeh Kehte Kehte

Aik Hi Mulk Mein Mil Jul Ke Agar Hum Rehte

Yun Chalak Jaata Hai Aankhon Se Yeh Kehte Kehte

Aik Hi Mulk Mein Mil Jul Ke Agar Hum Rehte

Khauf Mitne Ka Na Ghar Jalne Ka Khatra Hota

Na Ayodhya Ka Na Kashmir Ka Masla Hota

Mulk Bat'ta Na To Phir Pyar Ki Taaqat Hoti

Har Taraf Sirf Muhabbat Hi Muhabbat Hoti

Sach Kaho Kya Tumhe Hum Yaad Nahin Aate Hain

Hum To Aankhon Ko Tumhare Liye Chalkaate Hain

Sach Kaho Kya Tumhe Hum Yaad Nahin Aate Hain

Uss Taraf Tum Ho Pareshaan Idhar Hum Pagal

Tumse Kehta Hai Inn Aankhon Ka Yeh Bheega Kaajal

Uss Taraf Tum Ho Pareshaan Idhar Hum Pagal

Tumse Kehta Hai Inn Aankhon Ka Yeh Bheega Kaajal

Yeh Muhabbat Ki Kahani Hai Adhuri Na Rahe

Pyar Ka Aaj Taqaaza Hai Ke Doori Na Rahe

Aao Mil Jul Ke Yeh Deewar E Judaai Dhaayen

Torr Kar Sarhaden Phir Aaj Galay Lag Jayen

Sach Kaho Kya Tumhe Hum Yaad Nahin Aate Hain

Sach Kaho Kya Tumhe Hum Yaad Nahin Aate Hain

Hum To Aankhon Ko Tumhare Liye Chalkaate Hain

Hum To Aankhon Ko Tumhare Liye Chalkaate Hain

Sach Kaho Kya Tumhe Hum Yaad Nahin Aate Hain

Sach Kaho Kya Tumhe Hum Yaad Nahin Aate Hain

Sach Kaho Kya Tumhe Hum Yaad Nahin Aate Hain

Poet : Shabeena Adeeb