Patjhar Se Hai Gila Na Shikayat Hawa Se Hai Lyrics By Parveen Shakir

Patjhar Se Hai Gila Na Shikayat Hawa Se Hai

Phoolon Ko Kuch Ajeeb Muhabbat Hawa Se Hai

Sarshaari-E-Shaguftagi-E-Gul Ko Kya Khabar

Mansoob Aik Aur Hikayat Hawa Se Hai

Rakha Hai Aandhiyon Ne Hi Hum Ko Kasheeda Sar

Hum Woh Charaagh Hain Jinhen Nisbat Hawa Se Hai

Uss Ghar Mein Teergi Ke Siwa Kya Rahe Jahan

Dil Shama Par Hai Aur Iraadat Hawa Se Hai

Bas Koi Cheez Hai Ke Sulagti Hai Dil Ke Paas

Yeh Aag Woh Nahin Jisse Suhbat Hawa Se Hai

Sarsar Ko Izan Ho Jo Saba Ko Nahin Hai Baar

Qunj-E-Qafas Mein Zest Ki Sorat Hawa Se Hai

Gulchen Ko Hi Khiraam Saba Se Nahin Hai Khaar

Ab Ke To Baghbaan Ko Adawat Hawa Se Hai

Khushboo Hi Rang Bharti Hai Tasveer-E-Bagh Mein

Bazm-E-Khabar Mein Gul Ki Seyadat Hawa Se Hai

Dast-E-Shajar Mein Rakhe Ke Aa Kar Bikhair De

Aaeen-E-Gul Mein Khaas Riaayat Hawa Se Hai

Ab Ke Bahaar Dekhiye Kya Gul Khilayegi

Dildaadgaan-E-Rang Ko Wehshat Hawa Se Hai


Poet : Parveen Shakir