Sula Raha Tha Na Baidaar Kar Saka Tha Mujhe
Woh Jaise Khuwaab Mein Mehsoos Kar Raha Tha Mujhe
Yahi Tha Chaand Aur Iss Ko Gawaah Thehra Kar
Zara Sa Yaad To Kar Tu Ne Kya Kaha Tha Mujhe
Tamaam Raat Meri KhuwaabGaah Roshan Thi
Kisi Ne Khuwaab Mein Ek Phool De Diya Tha Mujhe
Woh Din Bhi Aaye Ke Khushboo Se Meri Aankh Khuli
Aur Aik Rang Haqeeqat Mein Chhuu Raha Tha Mujhe
Main Apni Khaak Pe Kaise Na Laut Kar Aati
Bohat Qareeb Se Koi Pukaartaa Tha Mujhe
Daroon-E-Khaima Hi Mera Qayaam Rehna Tha
To Meer-E-Fauj Ne Lashkar Mein Kyun Liya Tha Mujhe
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.