Harf-E-Taaza Nayi Khushboo Mein Likha Chaahta Hai
Baab Ek Aur Muhabbat Ka Khula
Chahta Hai
Aik Lamhe Ki Tawaju Nahi Haasil Usski
Aur Ye Dil Ke Ussey Had Se Siwa Chahta Hai
Ek Hijaab-E-Teh-E-Iqraar Hai Maane’a Warna
Gul Ko Maloom Hai Kya Dast-E-Saba Chahta Hai
Rait Hi Rait Hai Iss Dil Mein Musafir Mere
Aur Ye Sehra Tera Naqsh-E-Kaf-E-Paa Chahta Hai
Yahi Khamoshi Kaee Rang Mein Zahir Hogi
Aur Kuch Roz, Ke Woh Shookh Khula Chahta Hai
Raat Ko Maan Liya Dil Ne Muqaddar Lekin
Raat Ke Haath Pe Ab Koi Diya Chahta Hai
Tere Paimaane Mein Gardish Nahin Baqi Saaqi
Aur Teri Bazm Se Ab Koi Uthha Chahta Hai
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.