Magar Iss Dil Ki Veerani
Tumhara Haath Mere Haath Mein Hai
Aur Usski Khush Asar Hiddat
Mere Andar Talismi Rang Phoolon Ki Nayi Duniya Khilaanay Mein Magan Hai
Tumhaare Lab Pe Mere Naam Ka Taara Chamakta Hai
To Meri Rooh Aise Jagmaga Uthhti Hai
Jaise Aainay Mein Chaand Utar Aaye
Meri Palkoon Se Aansoo Choom Kar
Tum Ne Unhein Moti Banaane Ki Jo Zid Ki Hai
Woh Zid Mujhko Bohat Achhi Lagi Hai
Bohat Khush Hoon
Ke Mere Sar Pe Chaadar Rakhne Waala Haath
Mere Haath Mein Phir Aa Gaya Hai
Ye Phool Aur Ye Sitaare Aur Ye Moti
Mujhko Qismat Se Milay Hain
Aur Itne Hain Ke Ginti Mein Nahin Aatay
Magar Is Dil Ki Veerani………………...!
Magar Is Dil Ki Veerani…………………!
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.