Magar Is Dil Ki Veerani Lyrics By Parveen Shakir

Magar Iss Dil Ki Veerani

Tumhara Haath Meray Haath Mein Hai

Aur Usski Khush Asar Hiddat

Meray Andar Talismi Rang Phoolon Ki Nayi Duniya Khilaani Mein Magan Hai

Tumhaare Lab Pe Meray Naam Ka Taara Chamakta Hai

To Meri Rooh Aisay Jagmaga Uthhti Hai

Jaise Aainay Mein Chaand Utar Aaye

Meri Palkoon Se aansoo Choom Kar

Tum Ne Unhein Moti Banaane Ki Jo Zid Ki Hai

Wo Zid Mujhko Bohat Achhi Lagi Hai

Bohat Khush Hoon

Ke Meray Sar Pe Chaadar Rakhne Waala Haath

Meray Haath Mein Phir Aa Gaya Hai

Ye Phool Aur Ye Sitaare Aur Ye Moti

Mujhko Qismat Se Milay Hain

Aur Itne Hain Ke Ginti Mein Nahin Aatay

Magar Is Dil Ki Veerani………………...!

Magar Is Dil Ki Veerani…………………!


Poet : Parveen Shakir